काठमाडौ : रेसुङ्गा विमानस्थलमा नियमित हवाई उडानको लागि आज सम्झौता भएको छ । गुल्मीको रेसुङ्गा नगरपालिका र नेपाल वायु सेवा निगमबीच सम्झौता सम्पन्न भएको हो ।

नेपाल वायुसेवा निगमद्वारा शुरुमा हप्तामा १ दिन उडान गर्दै पछि हप्तामा ३ दिन सम्म पुर्याउने योजना रहेको छ ।

सम्झौतापछि प्रतिक्रिया दिँदै कांग्रेस गुल्मी सभापति खिलध्वज पन्थीले
यससँगै गुल्मेली जनतालाई हवाई यातायात सेवा सङ्ग जोड्दै गुल्मीको समग्र विकासको लागि यो कदम कोसेढुङ्गा साबित हुने प्रतिक्रिया दिए ।

यसबाट छिमेकी जिल्लाका नागरिकहरुले पनि सेवा लिने र संगसंगै समुन्नतिको यात्रामा अगाडी बढ्ने कुरामा विश्वस्त रहेको उनको भनाइ छ।