काठमाडाैं। त्रिभुवन विश्वविद्यालयको उपकुलपति नियुक्ति खुल्ला प्रतिष्पर्धाको लागी थप दबाब सिर्जना गर्न आज नेपाल विधार्थी संघ काठमाडौ जिल्ला समितीले क्यान्डल वाक आयोजना गरेको छ।

नेविसंघले प्रधानमन्त्रीलाई पत्र अभियान तथा अन्य आन्दोलनका मार्फत निरन्तर त्रिभुवन विश्वविद्यालयमा उपकुलपति नियुक्ति योग्यता तथा विज्ञता का आधारमा खुल्ला प्रतिस्पर्धाका आधारमा हुनुपर्छ भनेर निरन्तर आन्दोलन गरेको थियो।

त्यसपस्चात शिक्षा मन्त्रालयले दर्खास्त हाल्न १५ दिनको समयसिमा दिदै सुचना आव्हान गरेको थियो। यस कदमलाई स्वागत गर्दै विश्वविद्यालयमा राजनीतिक हस्तक्षेप तथा दलियकरण को अन्त्यको लागि आशा जगाएको तर यो प्रक्रियाले सहि नतिजासम्म नपुग्न्जेल निरन्तर दवाब सिर्जना गर्ने नेविसंघ केन्द्रीय सदस्य विजय ढुंगानाले जनाएका छन् ।

आशाको दीप बलेको छ, हामी सजग छौं, यसलाई निभ्न दिनेछैनौ भन्दै साझ ५ बजेबा आज कान्तिपुर सिटि कलेज पुतलीसडक बाट बसन्तपुर सम्म हातमा क्यान्डल (मैनवत्ती) लिएर हिड्ने कार्यक्रम भयको छ।