काठमाडौंःनेपाली काँग्रेसका केन्द्रीय सदस्य तथा काठमाडौं क्षेत्र नं ५ का सांसद प्रदीप पौडेलले डाक्टर चिकित्सक लगायतका स्वास्थ्य सेवा कर्मी माथी भएका कुटपिटका घटनाको विरोध गरेका छन् । सामजिक सञ्जाल फेसबुकमा लेख्दै उनले चिकित्सकमाथि भएको आक्रमणको खेद प्रकट गर्दै दोषीलाई कारवाही गर्न र स्वास्थ्य सेवा कर्मीलाई सेवा प्रदान गर्नका लागि शान्तिपूर्ण वातावरण निर्माण गर्न सरकारलाई आग्रह गरेका छन् ।

पछिल्ला समयमा भएका यस्ता आक्रमणका घटनाले स्वाथ्यकर्मीकाे मनोवल गिरेको र सिङ्गो स्वाथ्य प्रणालीमै अवरोध सिर्जना भएको उनले बताएका छन् । यस्ता घटनाले समाजमा हिंसा बढेको र शान्ति सुरक्षा खलबल पुर्याएको भन्दै उनले भनेका छन् ‘हाम्रो सिङ्गो स्वास्थ्य प्रणालीमा अवरोध सिर्जना गरेको छ भने मानवाधिकार, शान्ति सुरक्षा, लगायतका विषयमा गम्भीर प्रश्न उठेको छ ।’