काठमाडौं। अभिनेत्री साम्राज्ञी शाहका लागि सन् २०२३ मिश्रित रह्यो । ‘नांगो गाउँ’बाहेक उनी अभिनित दुई फिल्म ‘ह्यारीकी प्यारी’ र ‘तिम्रो मेरो साथ’ चलेनन् । नयाँ वर्ष २०२४ को शुभकामना दिन हट् तस्वीर सार्वजनिक गर्दै साम्राज्ञीले लेखेकी छन्, ‘यो राम्रो वर्ष हुनेछ ।’

त्यस्तै, ७५ प्रतिशत छायांकन भइसकेको यो फिल्मको बाँकी भाग पेरिसमा गर्ने योजना थियो भने निर्देशक घनश्याम लामिछानेले माघको अन्त्यबाट बाँकी छायांकन पेरिसमै हुने बताएका छन् । यसका लागि भिसा प्रक्रिया पुनः थाल्ने उनको भनाइ रहेको छ ।

बितेको वर्ष साम्राज्ञीका लागि निकै चुनौतीपूर्ण रह्यो । उनले काम गरिरहेको ‘लण्डन टु पेरिस’को छायांकन रोकिएको थियो भने निर्देशक र प्राविधिकले फ्रान्सको भिसा नपाउँदा सुटिङ अघि बढेन ।

सोही वर्ष साम्राज्ञीलाई लिएर निर्देशक मिलन चाम्सले एक फिल्मको घोषणा गरे । निर्देशक प्रवेश पौडेलले पनि आना शर्मा र साम्राज्ञीलाई लिएर फिल्म बनाउने बताए भने साम्राज्ञीको अर्को एक फिल्म इटालीमा छायांकन हुने चर्चा थियो ।

एकातिर बक्स अफिस नतिजा, अर्कोतिर बन्दै गरेको फिल्म रोकिनु र घोषित फिल्म पनि अघि नबढ्नुको मनोवैज्ञानिक दबाबमा साम्राज्ञीको सन् २०२३ गुज्रियो, तर पनि उनले सामाजिक सञ्जालमार्फत दर्शकसँग अन्तरक्रिया गर्ने र फोटो सेयर गर्ने कार्यलाई निरन्तरता दिइरहेकी थिइन् ।