नेकपा (एमाले)ले सातैवटा प्रदेशमा इन्चार्ज तोकेको छ। बिहीवार काठमाडौंमा बसेको पार्टीको सचिवालय बैठकले प्रदेश इन्चार्जको टुंगो लगाएको महासचिव शंकर पोखरेलले बताए। पोखरेलकाअनुसार सुदूरपश्चिममा लेखराज भट्ट, कोशी प्रदेशमा शेरधन राई र मधेशमा लीलानाथ श्रेष्ठ छन्।
यस्तै गण्डकी प्रदेशमा किरण गुरुङ, लुम्बिनीमा पद्मा अर्याल, कर्णालीमा गोरखबहादुर बोगटी र र बागमतीमा डाक्टर राजन भट्टराइलाई इन्चार्ज तोकिएको छ। एमालेले रिक्त उपाध्यक्षमा गुरु बराललाई नियुक्त गरेको छ भने मुकुन्द न्यौपाने र लीलानाथ श्रेष्ठलाई स्थायी कमिटीमा मनोनयन गरेको छ।