११ चैत्र, हुम्ला । बाँदरले माथिबाट ढुंगा खसाल्दा बाटो हिँड्दै गरेकी एक महिला घाइते भएकी छिन् ।

बादरले खसालेको ढुंगाले लागेर हुम्लाको दक्षिणी क्षेत्रमा पर्ने ताजाँकोट गाउँपालिका- ४ मा सडकमा हिँडिरहेकी महिला घाइते भएकी हुन् ।

सडक निर्माण उपभोक्ता समितिका अध्यक्षका प्रयोगलाल ढकालले अदानचुली पर्यटन मार्ग नामको सडक खन्ने क्रममा बाँदरले ढुंगा खसालेको र उक्त दुर्घटना भएको बताएका छन् ।

घाइते महिलाको स्थानीय स्वास्थ्य चौकीमा प्राथमिक उपचार गरिएको छ । तर, थप उपचारका लागि नेपालगन्ज पठाइएको जानकारी दिइएको छ ।