बाजुरा—नेपाली कम्युनिस्ट पार्टीले आगामी फागुन २१ का लागि तोकिएको प्रतिनिधिसभा सदस्य निर्वाचनका लागि बाजुराबाट प्रत्यक्षमा प्रकाश शाहको नाम एकल उम्मेदवार सिफारिस गरेको छ ।

शुक्रवार सदरमुकाम मार्तडीमा नेकपा बाजुराले पत्रकार सम्मेलनमार्फत प्रत्यक्षमा शाहको नाम सर्वसम्मत एकल उम्मेदवारका रुपमा सिफारिस गरेको हो । शाह यसअघि नेकपा एमालेका केन्द्रीय सदस्य तथा पूर्व प्रदेश मन्त्री समेत भइसकेका नेता हुन् ।

त्यस्तै पार्टीले जिल्लाबाट प्रतिनिधिसभा सदस्यको समानुपातिक उम्मेदवारमा हिक्मत जङ्ग शाही, बिनिता विक र सञ्जय कटेल तथा राष्ट्रियसभाका लागि अज बहादुर मल्लको नाम सिफारिस गरेको जनाएको छ ।