बाजुरा: बुढिनन्दा नगरपालिकाको कोल्टी आधारभुत अस्पतालले नगरपालिकाका बिपन्न, हलिया, खलिया, दलित, जनजाति, फरक क्षमता भएका व्यक्ति, एकल महिला,जेष्ठ नागरिक, आर्थिक रुपले बिपन्न विरामीलाई २० प्रतिशत छुटमा दिने भएको छ ।

असोज ७ गते बुढिनन्दा नगरपालिकाका नगर प्रमुख तथा कोल्टी आधारभुत अस्पताल संचालन तथा ब्यवस्थापन समिती अध्यक्ष जनक कुमार बोहोराको अध्यक्षतामा बसेको तेस्रो बैठकले सो निणर्य गरेको हो ।

बुढीनन्दा नगरपालिका भित्रका हलिया, खलिया, दलित, जनजाति, फरक क्षमता भएका व्यक्ति, एकल महिला, जेष्ठ नागरिक, आर्थिक रुपले बिपन्न विरामी र महिला सामुदायिक स्वास्थ्य स्वयंसेविकाहरु लाई कोल्टी अस्पताल बाट प्रदान गरिने निशुल्क आधारभुत स्वास्थ्य सेवा वाहेकका अन्य स्वास्थ्य सेवाहरुमा लिईने शुल्कमा २० प्रतिशत र अस्पताल फार्मेशीबाट लिईने औषधीको शुल्कमा १० प्रतिशत छुट दिने निणर्य गरेको जनाएको छ ।