श्रीमान
सभापति ज्यु/पदाधिकारी ज्युहरु
नेपाली काँग्रेस, केन्द्रीय समिति
सानेपा।

बिषय : संयुक्त बैठक सम्बन्धमा ।

महोदय,
वर्तमान सत्ता गठबन्धनका राजनीतिदलहरुका केही शिर्ष नेताहरुको बिगत देखिकै जनबिरोधी हर्कतबाट जनता पिडामा बस्न बाध्य भएको सर्बवितितै छ । खर्बौंको सहकारी रकमको ठगि,खर्बौंकै सरकारी जग्गा (गिरीबन्दु टिस्टेट) लगायतका काण्डमा ठुला माछाका नाममा स्थापितहरु स्पष्ट रुपमै जनता स्वयमले किटान गरिसकेका छन ।

अहिले सरकारमा संलग्न यी स्वेत अपराधीहरुलाई कार्यबाहीको दायरामा ल्याउनु पर्ने माग सहित काँग्रेस , संसद र सडकमा संघर्रत छ। संसदलाई खशीको टाउको राखेर कुकुरको मासुबेच्ने थलो हो भन्ने वामपन्थी धारणामा विश्वास राख्नेहरु र पपुलिजमका नाममा कुनै राजनीतिक आईडियोलोजी बनाई नसकेकाहरुबाट संसदीय ब्यबस्थाको गरिमा बढाउन पुर्ण साथसमर्थन रहनेकुरामा जनताको तहबाट शंकाआशंका छदैछ।

यसर्थ
वर्तमान समसामयिक विषयवस्तुलाई जनमानसमा लैजान र जनबिरोधी कार्यको भण्डाफोर गर्नका लागि साझाधारणा बनाउन लामो समय देखि बस्न न सकेको नेपाली काँग्रेस केन्द्रीय समिति र संसदीय दलको संयुक्त बैठक राख्न जोडदार माग गर्दछु ।

नैनिसंह महर