काठमाडौंः नेपाली कांग्रेस पार्टीले भदौ ३ गते गरेको सहमति कार्यान्वयन नगरेको भन्दै विरोध गरेको छ । केन्द्रीय समिति विस्तारमा कांग्रेसको शेखर–गगन समूहको असन्तुष्टि र विरोधपछि ३ भदौमा एक साताभित्र थप नाम समावेश गर्ने र महाधिवेशनकेन्द्रित हुने सहमति बनेको थियो, तर अझै नाम समावेश हुन सकेको छैन ।

सहमतिपत्रमा निवर्तमान अध्यक्ष तथा कांग्रेस केन्द्रीय सदस्य राजीव ढुंगानाको रोहवरमा भएको सहमतिमा केन्द्रीय कार्यालयका तर्फबाट मुख्यसचिव कृष्णप्रसाद पौडेलसमेत हस्ताक्षर गरेका थिए । नेविसंघ अध्यक्ष दुजाङ शेर्पा असन्तुष्ट पक्षलाई समेटेर कमिटी विस्तारको तयारीका कारण समय लागेको बताउँछन् । उनले यस विषयमा पार्टी नेतृत्वसँग छलफल भइरहेको बताए ।

आन्दोलनको नेतृत्व गरेका तथा सहमतिपत्रमा हस्ताक्षर गर्नेमध्येका विनोद शाही ठकुरीले सहमति बिपरित मनपरि तरिकाले बेवास्ता गर्दै विभिन्न बाहना बाझी गर्दै, हस्ताक्षर गरिएका जायज मुद्दा ओझेलमा पार्ने र सहमति कर्ताको अनैतिक चरित्रले पार्टीको बिश्वसनियता माथि गम्भीर आँच पुगेको भन्दै बिरोध गरेको बताए ।’पार्टीलाई बदनाम र अप्रजातान्त्रिक चरीत्र अगाल्ने गुटगत आग्रहपुर्वाग्रह गर्ने अमुख पात्र यस अवस्थाको हामी अन्त्य चाहन्छौं र भातृसंस्था भित्रको अस्वस्थ अकर्मण्यता र विभिन्न अलोकतान्त्रिक गतिविधिको घोर निन्दा र बिरोध गर्न चाहन्छौ,’उनले भने।