काठमाडौं : नेपाली कांग्रेसका पूर्वमहामन्त्री डा. शशांक काेइरालाले इजरायलमा रहेका नेपालीबारे चासाे व्यक्त गरेका छन् । इजरायलमा हमासकाे आक्रमणका कारण नेपालीकाे मृत्यु भइसकेकाे छ भने त्यहाँ रहेका नेपालीहरू असुरक्षित रहेकाे खबर आइरहेका बेला डा. काेइरालाले इजरालयलमा रहेका नेपालीबारे चासाे व्यक्त गरेका हुन् ।

आज इजरायलस्थित नेपाली दूतावासका प्रथम सचिव अर्जुन कार्कीसँग सम्पर्क गरि काेइरालाले त्यहाँ रहेका नेपालीहरूकाे जीवनरक्षाका लागि तत्परता देखाउन आग्रह गरेका हुन् । साे क्रममा कार्कीले इजरालयमा रहेका नेपालीहरूकाे अवस्थाबारे जानकारी गराएका थिए । काेइरालाले इजरायलमा समस्यामा रहेका नेपालीको तत्काल उद्दारका लागि काम अघि बढाउन भन्दै नेपालबाट गर्नुपर्ने कामका लागि सरकालाई ध्यानाकर्षण गराउने बताए । काेइरालाले इजरायलमा निधन भएका विद्यार्थीहरूप्रति समवेदना व्यक्त गर्दै आतंकवादी हमलाकाे निन्दा पनि गरेका छन्।

नेपाल र इजरायलबीच स्थापनाकालदेखि नै सुमधुर सम्बन्ध छ । इजरायललाई भारतले मान्यता नदिँदा वीपी काेइराला नेतृत्वकाे सरकारले स्वतन्त्र राष्ट्रकाे मान्यता दिएकाे थियाे ।