३ असोज, काठमाडौं । आठौं राष्ट्रिय संविधान दिवसलाई नेकपा एमालेले उत्सवको रूपमा मनाएको छ । दिवसका अवसरमा काठमाडौको नारायणचौरमा सेल्फी विथ नेशनल फ्ल्याग कार्यक्रमसहित एमालेले उत्सव मनाएको हो । कार्यक्रममा एमाले अध्यक्ष केपी शर्मा ओलीसहित पदाधिकारी तथा केन्द्रीय स्तरका नेता,सासद तथा ठूलो सङ्ख्यामा एमाले कार्यकर्ता सहभागी थिए ।

दशकौं लामो संघर्ष, बलिदान र धेरै ठूलो अवरोध छिचोलेर संविधानसभा मार्फत संविधान जारी भएको भन्दै एमाले अध्यक्ष ओलीले उत्सव मनाउन आह्वान गरेका छन । संविधानले जनतालाई सार्वभौमसत्ता सम्पन्न बनाएको र जनताका ३१ वटा मौलिक हक ग्यारेन्टी गरेको भन्दै ओलीले भनेका छन- संविधानले हामीलाई अधिकार दिएको छ, कर्तव्य, विवेक र इमान्दारिता भने हामी आफैसँग हुनु पर्छ।