१ जेठ, काठमाडाैँ । जडिबुटीको नरेफाँटमा अटोमाण्डु स्टेशन सुरू भएको छ । शनिबार मधेश प्रदेशका पुर्व भौतिक पुर्वाधार तथा यातायात मन्त्री सरोज यादवले उक्त स्टेशन सुरू गरेका हुन् ।

विगत १० वर्षदेखि अटोमोटिभ क्षेत्रमा आवद्ध रहेका अटोमाण्डुका सञ्चालक राहुल शर्माले उक्त स्टेशन एक व्यवस्थित सर्भिस स्टेशन भएको बताएका छन् ।

अटोमाण्डुमा टु ह्विलरको जुनसुकै ब्राण्डलाई पनि सर्भिसिङ प्रदान गर्ने र जेनियुन पार्टस, ट्युव, फिल्टर, लुब्रिकेन्ट्स, टायर, लगायतका सामान पाइने सञ्चालक शर्माले जानकारी दिएका छन् ।

उद्घाटन समारोहमा बोल्दै सञ्चालक शर्माले ग्राहकलाई सन्तुष्ट बनाउने कुरामा ढुक्क हुन अनुरोध गरेका छन् । अटोमाण्डुमा अत्याधुनिक प्रविधि प्रयोग गरिएको र करीब २ करोड लगानी भएको शर्माले बताएका छन् ।

अटोमाण्डुबाट प्रत्यक्ष रूपमा १५ जनाले रोजगारी समेत पाउनेछन् ।