२५ वैशाख, भैरहवा । भैरहवाबाट काठमाडाैँका लागि उडेको श्री एयरलाइन्सको विमान बिच बाटोबाटै फर्काइएको छ ।

कलसाइन एसएचए ८२२ नम्बरको ७२ सिट क्षमताको जहाजमा समस्या देखिएपछि भैरहवा नै फर्किएको हो । भैरहवा विमानस्थलमै अवतरण गरेपछि पनि जहाजमा फेरि समस्या देखिएको जानकारी दिइएको छ ।

विमानस्थलमा अवतरण भएपछि पाङ्ग्रा लक भएका कारण धावनमार्गमा विमान गुड्न सकेको छैन । सोही कारण काठमाडाैँबाट भैरहवाका लागि छुटेको यति एअरलाइन्सको विमान काठमाडाैँ नै फर्किएको छ ।

धावनमार्गमा रहेको श्रीएअरको जहाजलाई अहिले प्राविधिकको सहयोगमा हटाउने काम भइरहेको छ । विमानस्थल सुचारू गर्न केही समय लाग्ने बताइएको छ ।