२० वैशाख, काठमाडाैँ । नेपाली बजारमा सुनको मूल्य ह्वात्तै बढेको छ । मंगलबारको तुलनामा बुधबार सुनको मूल्य प्रतितोला १ हजार ८०० रूपैयाँले वृद्धि भएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १० हजार छ सय रुपैयाँ र तेजाबी सुन प्रतितोला एक लाख दश हजार ५०० रुपैयाँमा कारोबार भइरहेको छ ।

बुधबारको वृद्धिसँगै नेपाली बजारमा २ दिनमै सुनको मूल्य २ हजारले बढेको छ ।

त्यस्तै, बुधबार चाँदीको मूल्य पनि २० रूपैयाँले बढेको छ । महासंघका अनुसार बुधबार चाँदी प्रतितोला १४ सय २५ रूपैयाँमा कारोबार भइरहेको छ ।