३० चैत्र ,इनरुवा । सुनसरी सदरमुकाम इनरुवामा रहेको जिल्ला आयुर्वेद स्वास्थ्य केन्द्रले निःशुल्क ल्याब सेवा दिन थालेपछि सेवाग्राहीको आवागमनमा वृद्धि भएको छ ।

जिल्ला अस्पताल र अन्य निजी अस्पतालमा महँगो रहेको ल्याब सेवा जिल्ला आयुर्वेद स्वास्थ्य केन्द्रले निःशुल्क सेवा दिएकाले सेवाग्राहीको चाप बढेको हो ।

इनरुवा नगरपालिकासहित आसपासका बिरामी आउने र स्वास्थ्य परीक्षणसँगै रगतको विभिन्न जाँच र पिसाबको जाँचसमेत निःशुल्क भएकाले सेवाग्राहीको आवागमनमा वृद्धि भएको जिल्ला आयुर्वेद स्वास्थ्य केन्द्रका प्रमुख चिकित्सक सञ्जीवकुमार यादवले जानकारी दिए ।

दैनिक सेवा लिन आउनेलाई जिल्ला आयुर्वेद स्वास्थ्य केन्द्रले निःशुल्क परामर्श, औषधिसहित ल्याब सेवा पनि निःशुल्क रहेकाले सेवाग्राहीको आवागमन बढेको केन्द्रका प्रमुख डा यादवले बताए ।