२२ चैत्र, दाङ । दाङमा एसइई दिँदै गरेकी छात्रा शिक्षकबाटै बलात्कृत भएकी छिन् । एक शिक्षकले एसइई दिँदै गरेकी छात्रामाथि जबरजस्ती करणी गरेको भन्दै इलाका प्रहरी कार्यालय तुलसीपुरमा उजुरी परेको हो ।

ङ शान्तिनगर गाउँपालिका– ७ स्थित शिवशक्ति मावि धनौरीको छात्रावासमा बसेर एसइई दिइरहेकी विद्यार्थीमाथि करणी भएको भन्दै उजुरी परेको हो ।

उजुरीमा सोमबार राति ८ बजेतिर शिक्षक खुमानन्द पौडेलले करणी गरेको उल्लेख गरिएको छ । आरोपित पाैडेलले होस्टेलमा बस्ने विद्यार्थीलाई हेरचाह गर्दै आएक पाइएको छ । उनी सोही विद्यालयका प्रावि तहका शिक्षक समेत हुन् ।

उजुरी परेपछि उनी फरार भएको र खोजी कार्य जारी रहेको प्रहरीले जानकारी दिएको छ ।