१९ चैत्र, काठमाडाैँ । बारा क्षेत्र नम्बर २मा  हुने उपनिर्वाचनमा नेपाली कांग्रेसले जनता समाजवादी पार्टीका अध्यक्ष उपेन्द्र यादवलाई सहयोग गर्ने भएको छ ।

आइतबार सानेपास्थित पार्टी कार्यालयमा बसेको केन्द्रीय कार्यसम्पादन समितिको बैठकले उक्त निर्णय गरेको हो ।

यसअघि पनि बैठकमा यादवलाई सहयोग गर्ने विषयमा छलफल भएता पनि ठोस निर्णय हुन सकेको थिएन । तर,आइतबारको बैठकले सर्वसम्मत निर्णय गरेको छ ।

बारा २ मा सहित रिक्त रहेका तीन क्षेत्रमा वैशाख १० गते उपनिर्वाचन हुँदैछ ।

त्यस्तै, उपनिर्वाचन हुने चितवन क्षेत्र नम्बर २ र तनहुँ क्षेत्र नम्बर १मा कांग्रेसले जितनारायण श्रेष्ठ र गोविन्द भट्टराईलाई उम्मेदवार बनाउने भएको छ ।