१३ चैत्र, काठमाडाैँ । प्रधानमन्त्री पुष्पकमल दाहाल प्रचण्डविरूद्ध नाराबाजी गर्ने ३ जना जेल चलान भएका छन् । जिल्ला प्रशासन कार्यालयले तोकेको धराैटी रकम नबुझाएपछि उनीहरू जेल चलान भएका हुन् ।

जिल्ला प्रशासन कार्यालयले अभद्र व्यवहारको कसुरमा ५ हजार धराैटी बुझाएर रिहा हुने आदेश दिएको थियो । तर, उक्त रकम नबुझाएपछि उनिहरू जेल चलान भएका हुन् ।

गत मंगलबार बानेश्वरको एक कार्यक्रममा प्रधानमन्त्री प्रचण्डविरूद्ध उनिहरूले नाराबाजी गरेका थिए । सोही क्रममा उनीहरूलाई प्रहरीले पक्राउ गरी अभद्र व्यवहार मुद्दा चलाएको थियो ।

सो दिन पक्राउ पर्नेहरूमा सोलुखुम्बुका २३ वर्षीय उद्धव बस्नेत, बझाङका १८ वर्षीय विप्लव खड्का र बाग्लुङका सोम शर्मा रहेका छन् ।