काठमाडाैं । सहकारी संस्था बचत रकम दुरुपयोग सम्बन्धमा गठित संसदीय छानबिन विशेष समितिले यसै साताबाट काम थाल्ने भएको छ । सहकारी अपचलनमा प्रमुख प्रतिपक्षी कांग्रेससहित विपक्षी दलहरूले संसदीय छानबिन समिति मागेर संसद् अवरुद्ध गरेपछि सरकारको सहमतिमा प्रतिनिधिसभाले मंगलबार सात सदस्यीय समिति गठन गरेको थियो ।

एमाले सांसद सूर्यबहादुर थापा क्षेत्रीको सभापतित्वमा गठित समितिले यसै सातादेखि काम थाल्ने तयारी गरेको हो । सभापति थापाले बुधबार सभामुख देवराज घिमिरेसँग समिति सञ्चालनको विषयमा छलफल गरेका छन् । उनले समिति सदस्यसँग पनि परामर्श गरेका छन् ।