काठमाडौं । यातायातमन्त्री रघुवीर महासेठले काठमाडौं महानगरपालिकाले न्युरोडमा कानुन विपरीत सडक तोडफोड गरेको आरोप लगाएका छन् ।

मेयर बालेंनले चत्रपथ विस्तारको काम नहुँदा सर्वसाधारण जनताले धुलो खानु परेको बताउदै शनिबार सडक विभागअन्तर्गतको सडक डिभिजन कार्यालयको गेटमा फोहोर फालिदिएपछि त्यसको प्रतिक्रिया दिँदै मन्त्री महासेठले भने, ‘कलंकी देखि महाराजगजको कुरा व्यक्तिगत रुपमा सल्लाहका रुपमा लिएको छु । त्यसमा मेरो कुनै आपत्ती छैन । सुझावका रुपमा लिएको छु । तर, न्युरोडमा जुन क्रियाकलाव छ, त्यो काननुसम्मत छैन । यत्ति हो मेरो कुरा ।’

शनिबार काठमाडौं महानगरले सडक विभागअन्तर्गतको सडक डिभिजन कार्यालयको गेटमा फोहोर फालिदिएपछि दुवै पक्ष वादप्रतिवादमा उत्रिएका छन् ।