काठमाडौं । नेपाल प्रहरीले कान्तिपुर मिडिया ग्रुपका अध्यक्ष कैलाश सिरोहियालाई नागरिकता किर्तेमा पक्राउ गरेको जनाएको छ। सिरोहियालाई काठमाडौँको थापाथलीस्थित कान्तिपुर मिडिया ग्रुपको कार्यकक्षबाट पक्राउ गरेर जिल्ला प्रहरी कार्यालय धनुषा लगिएको छ।

जिल्ला प्रहरी कार्यालय धनुषाले सिरोहोरियालाई पक्राउ गर्नुको ६ आधार रहेको उल्लेख गरेको छ। सिरोहोरियालाई नागरिकता किर्तेमा पक्राउ गर्दा प्रेस स्वतन्त्रता हनन भएको र लोकतन्त्र नै खतरामा परेका अभिव्यक्तिहरू सार्वजनिक भइरहँदा प्रहरीले विज्ञप्ति निकालेर पक्राउ गर्नुको ६ आधार रहेको उल्लेख गरेको हो।