काठमाडौं ।‍अखिल नेपाल फुटबल संघ (एन्फा) ले सहिद स्मारक सी डिभिजन क्लब आरसी ३२ मा आबद्ध दुई खेलाडीलाई प्रतिबन्ध लगाएको छ। बबिन बोहरा र सुमनबहादुर मगरलाई लिगका बाँकी खेलमा अनुशासन समितिको बैठकको सिफारिसका आधारमा प्रतिबन्ध लगाइएको एन्फाका सहायक महासचिव दमोदर भट्टराईले क्लबहरुलाई पत्र लेख्दै जानकारी दिएका छन्।

उनीहरुलाई गत आइतबार कारबाही गरिएको हो। क्लबमा आबद्ध नौ वटा क्लबहरुले बी डिभिजन क्लवमा दर्ता भएका बोहरा र मगरले आरसी३२ बाट खेलेको भन्दै उजुरी दिएका थिए। साथै कारबाहीको प्रक्रिया अघि नबढाएमा लिग बाँकी खेल नखेल्न भन्दै धम्की समेत दिएका थिए।