६ चैत्र, काठमाडाैँ। रवि लामिछानेविरुद्ध राहदानी प्रकरणमा मुद्दा चलाउनु नपर्ने निर्णय काठमाडौं जिल्ला सरकारी वकिल कार्यालयले गरेको छ ।

प्रहरीले लामिछानेको राहदानी प्रकरणमा छानबिन गरेर प्रतिवेदन पठाएको थियो । उक्त प्रतिवेदन पठाएपछि जिल्ला सरकारी वकिल कार्यालयले मुद्दा चलाउनु नपर्ने निर्णय गरेको हो ।

लामिछानेविरुद्ध मुद्दा चलाउन आवश्यक प्रमाणहरू नभेटिएकाले मुद्दा चलाउनु नपर्ने निर्णय गरिएको सरकारी वकिल कार्यालयले गरेको जानकारी दिइएको छ ।

अब उच्च सरकारी वकिल कार्यालयले सदर गरेर महान्यायधिवक्ता कार्यालय पठाउनुपर्ने प्रावधान रहेको छ ।

विदेशी नागरिकता लिएको र सो त्याग नगरी पुनः नेपाली नागरिकता प्रयोग गरि राहदानी बनाएको भन्दै काठमाडौं प्रहरीमा जाहेरी परेको थियो ।

गत माघ १३ गते नागरिकता लिनुपर्ने सबै प्रावधान नपुगेको भन्दै सर्वोच्च अदालतले लामिछानेको सांसद र गृहमन्त्री पद नै नरहने फैसला गरेको थियो ।