काठमाडाैं । नेपाली कांग्रेसका नेता डा शेखर कोइरालाले नेपालको पछिल्लो राजनीतिक घट्नाक्रम र अवस्थाका बारेमा राजधानी काठमाडौबाट प्रकाशित हुने प्रमुख साप्ताहिक पत्रिकाका सम्पादकहरुसँग अन्तरक्रिया गर्नुभएको छ।

अन्तरक्रियामा- कबिर राणा, शम्भु श्रेष्ठ, गोपाल बुढाथोकी, निरोधराज पाण्डे, दामोदर दवाडी, ईश्वरी वाग्ले, राजेन्द्र उपचारक र बिश्वमणी सुवेदी सहभागी हुनुहुन्थ्यो। बिशालनगरस्थित कोइरालाको सम्पर्क कार्यलयमा भएको छलफलमा सम्पादकहरुले निम्न धारणाहरु राख्नुभयो-

– कांग्रेसभित्रै लोकतन्त्रको संकट देखियो ।
– राजनीतिमा निष्ठा, सिद्धान्त र आदर्श गुम्यो ।
– सिङ्गो पार्टीमा अनुशासन कायम गर्नुपर्यो ।
– सत्ता प्राप्त हुन्छ भन्दैमा जोसँग पनि गठबन्धन गर्ने परिपाटी कांग्रेसले अन्त गर्नुपर्छ ।
– अस्थिरताको कारक तत्व संविधान हो । समानुपातिक प्रणाली खारेज नगरेसम्म देश अगाडी बढ्न सक्दैन ।
– दलहरु सुध्रिएनन् । दलहरुले जति माफी मागे पनी जनताले पत्याउँने छैनन् ।
– बदनामै भएपनी नयाँ चाहियो भन्ने जनताको माग रहेछ भन्ने कुरा पछिल्ला घट्नाले देखाएको छ, प्रजातन्त्रको लागि यो खतरा हो ।

डा शेखर कोइरालाले संबिधान संशोधन नगरी मुलुकले निकाश नपाउँने भएकाले संविधान संशोधन गरेर अगाडि जानुपर्ने बताउँनुभयो। अहिले देश र कांग्रेस पार्टीको अवस्था दुवै असाध्यै खराब रहेको र पार्टीभित्र आफ्नो समूह थोरै भएकाले पार्टी सुधारका जति कुरा गरे पनि त्यसको सुनुवाइ नभएको बताउँनुभयो। तर आफुले हरेस नखाएको र एकदिन कांग्रेस पार्टीलाई पुरानो अवस्थामा ल्याएर एक्लै बहुमत ल्याउन ल्याउन सक्ने बनाउन सक्छु भन्ने बिश्वास रहेको बताउँनुभयो। साथै उहाँले नेपालको विभिन्न प्रजातान्त्रिक आन्दोलनमा साप्ताहिक पत्रिकाले पुर्याएको योगदानको प्रशंसा पनि गर्नुभयो।