काठमाडाैं । नवनिर्वाचित राष्ट्रिय सभा अध्यक्ष नारायण दाहालले पद तथा गोपनीयताको शपथ लिएका छन्। राष्ट्रपति रामचन्द्र पौडेलसमक्ष अध्यक्ष दाहालले पद तथा गोपनीयताको शपथ लिएका हुन्। माओवादी नेतासमेत रहेका दाहाल राष्ट्रिय सभामा सरकारबाट मनोनीत सांसद थिए। ५७ सांसद उपस्थित राष्ट्रिय सभाको आजको बैठकमा दाहालले ३९ मत प्राप्त गरेर अध्यक्ष निर्वाचित भएका हुन्।

राष्ट्रपति रामचन्द्र पौडेलसमक्ष पद तथा गोपनीयताको शपथ गरेलगत्तै दाहालले पदभार ग्रहण गरेका हुन्। कार्यभार सम्हाल्दै उनले पहिलो निर्णयका रूपमा सांसदलाई प्रशिक्षण दिने निर्णयमा हस्ताक्षर गरेका छन्। प्रश्न राख्नकै निम्ति मात्रै नभई रूपान्तरणका लागि प्रश्न गर्नुपर्ने भन्दै उनले यस्तो निर्णय गरेको प्रस्ट पारे।