३ चैत्र, काठमाडाैँ । नेपाली क्रिकेट टोलीका सदस्यलाई सरकारले जनही ३ लाख पुरस्कार दिने भएको छ । प्रधानमन्त्री पुष्पकमल दाहाल प्रचण्डले क्रिकेट टोलीका  सदस्यलाई बालुवाटारमा बोलाएर भेटघाट गरेपछि उक्त घोषणा गरेका हुन् ।

प्रधानमन्त्री प्रचण्डले फेसबुकमा लेखेका छन्, ‘विश्वकप क्रिकेट प्रतियोगिताको क्वालिफायरमा प्रवेश गरी नेपालको स्वाभिमान र पहिचान उच्च बनाएकोमा नेपाली क्रिकेट टोलीलाई हार्दिक बधाइ ज्ञापन गर्दै प्रतिखेलाडी रू. ३ लाख पुरस्कारको घोषणा गर्दछु’

हिजो भएको आईसीसी पुरुष क्रिकेट विश्वकप लिग–२ को अन्तिम खेलमा नेपालले रोमाञ्चक जित हासिल गरेको थियो ।

बिहीबार टियु क्रिकेट मैदानमा भएको खेलमा नेपालले डकवर्थ लुईस नियम अनुसार युएईलाई डिएलएस पद्धतिमा नेपालले ९ रनले पराजित गरेको थियो ।

उक्त जितसँगै नेपाल जिम्मावेमा हुने विश्वकप छनाैट खेलका लागि छनाैट भएको छ । बिहीबार भएको खेलमा प्रधानमन्त्री प्रचण्ड मैदानमै गएर खेलाडीहरूको हाैसला बढाएका थिए ।