२ चैत्र, काठमाडाैँ । आईसीसी पुरुष क्रिकेट विश्वकप लिग–२ को अन्तिम खेलमा ३११ रनको लक्ष्य पछ्याएको नेपालको २ विकेट पतन भएको छ । सुरूवाती तीन ओभरमा नै नेपालका २ विकेट पतन भएको हो ।

जुनैद सिद्धकीको बलमा कुशल मल्ल कभर क्षेत्रमा क्याचआउट भएका छन् । उनले ५ रन बनाएका थिए । त्यस्तै, आयान अफ्जल खानको बलमा नेपाली ओपनर आसिफ शेख स्टम्पिङ आउट भएका छन् ।

पछिल्लो अपडेट अनुसार नेपालले ४ ओभरमा २ विकेट गुमाएर १५ रन बनाएको छ । नेपालका लागि अहिले कप्तान रोहित पाैडेल र कुशल भुर्तेलले ब्याटिङ गरिरहेका छन् ।