२ चैत्र, काठमाडाैँ । जारी विश्वकप क्रिकेट लिग-२ को अन्तिम खेलमा नेपाललाई युएईले ३११ रनको लक्ष्य प्रस्तुत गरेको छ । बिहीबार टियु क्रिकेट मैदानमा भएको खेलमा युएईले ६ विकेट गुमाउँदै निर्धारित ५० ओभर खेल्दै ३१० रन बनाएको हो ।

युएईका लागि आसिफ खानले ४१ बलमानै शतक प्रहार गरेका थिए । उनी एकदिवसीय अन्तराष्ट्रियमा सर्वाधिक चाँडो शतक प्रहार गर्ने चौंथो समेत बनेका छन् ।

त्यस्तै, युएईका लागि भृत्या अर्विन्दले ९४, कप्तान मुहम्मद वासिमले ६३ र रोहन मुस्ताफाले २० रन बनाएका थिए ।

त्यसैगरी, नेपालका लागि दीपेन्द्रसिंह ऐरीले २ विकेट लिएका थिए भने ललित राजवंशी, सोमपाल कामी र सन्दीप लामिछानेले समान १-१ विकेट लिए ।