काठमाडाैं । कांग्रेसले महासमिति बैठकमा सहभागीहरूलाई स्वागत गर्न उपत्यकाका नाकाहरूमा स्वागतद्वार राख्ने भएको छ । बायाँ बिपी कोइराला र दायाँ सभापति शेरबहादुर देउवाको तस्बिर राखेर उपत्यकाका तीनसहित अन्य तीन जिल्लाका विभिन्न यस्ताद्वार तयार गरिने कांग्रेसले जनाएको छ ।

काठमाडाैँका नागढुंगा, कलंकी, गोंगबु, महाराजगन्ज, चाबहिल, कोटेश्वर, बल्खु र चोभार, ललितपुरका बालकुमारी, सातदोबाटो, लुभु र गोदावरी, चापागाउँ र कुपन्डोल क्षेत्र, भक्तपुरका साँगा, सूर्यविनायक, कमलविनायक, कौशलटार, जडीबुटी क्षेत्र, काभ्रेपलाञ्चोकका भकुन्डेबेँसी, धुलिखेल, बनेपा, धादिङका गजुरी र नौबिसे तथा नुवाकोटका ककनी र जरसिङपौवामा स्वागतद्वार रहने कांग्रेसले जनाएको छ ।