काठमाडौं। नेकपा माओवादी केन्द्रको संसदीय दलको बैठक मंगलबार पनि बस्ने भएको छ ।

सोमबार बसेको बैठकमा सुरुमै पार्टीका संसदीय दलका नेता एवं प्रधानमन्त्री पुष्पकमल दाहाल ‘प्रचण्ड’ले हिउँदे अधिवेशनका सन्दर्भमा सरकारले गरेको तयारीका विषयमा जानकारी गराएका थिए । उनले सांसदहरूलाई संसदमा निर्वाह गर्नुपर्ने भूमिकाका विषयमा पनि निर्देशन दिएका थिए ।

त्यसपछि १२ जना सांसदले आफ्नो धारणा राखेको माओवादी सांसद लेखनाथ दाहालले जानकारी दिएका छन् । बाँकी सांसदहरूले भोलि बिहान ९ बजे बस्ने बैठकमा आफ्नो धारणा राख्ने उनले बताए । अन्तिममा अध्यक्ष ‘प्रचण्ड’ले जवाफ दिनेछन् ।

सो बैठक संसदीय दलको कार्यालय सिंहदरवारमा बस्नेछ ।