काभ्रेपलान्चोक । तेमाल गाँउपालिका ४ बोल्दे फेदिचेमा बाघको आक्रमणबाट घाइते भएका बाबुराम दर्जीको डिस्चार्ज भएका छन् । स्थानीय भक्त लामाका अनुसार धुलिखेल अस्पत्तालमा उपचाररत उनको अबश्थामा सुधार भएसँगै शुक्रबार डिस्चार्ज गरिएकाे हाे ।

दर्जीलाई १ माघमा जंगल गएको अबश्थामा बाघले आक्रमण गरेको हो । अचेत अबश्थामा अस्पत्ताल पुगेका उनी केही दिनमा होसमा आएका थिए ।उनको अनुहार,हात खुट्टामा र टाउकोमा गम्भिर चोट लागेको छ । आक्रमणबाट दर्जी सख्त घाईते बनेका थिए । उनलाइ करिव डेढ किलोमिटर जङ्‌गलमा घिसारेर लगेको अवस्थामा भेटिएको थियो ।

उनलाइ प्रहरी र स्थानीयको पहलमा उद्धार गरी धुलिखेल अस्पत्तालमा ल्याएको छ । उनी विहान ७ बजे घाँस काट्न जंगल गएका थिए । तर,लामो समयसम्म घर नफर्केपछि दिँउसो १२ बजे उनको खोजी भएको थियो । मोबाइलको आधारमा घटनास्थल पहिचान भएको थियो। कमजोर आर्थिक अबश्थाका कारण परिवारले उनको उपचारका लागि अपिल गरेको थियाे ।