काठमाडाैं। नेपाल सुपर लिग (एनएसएल) मा आज एफसी चितवन र धनगढी एफसीबीच खेल हुँदै छ । त्रिपुरेश्वस्थित दशरथ रंगशालमा साँझ ५ बजे सुरु हुने खेलमा अपराजित टोली धनगढीलाई आजको खेल जित्दै शीर्ष स्थानमा उक्लने अवसर रहेको छ ।

त्यस्तै, धनगढीले हालसम्म चार खेल खेल्दा २ जित र २ बराबरी गरेको छ । धनगढी ८ अंकसहित अंक तालिकाको दोस्रो स्थानमा छ भने आज चितवनसँग जित हात पारे धनगढीले शीर्ष चारमा रहेर प्लेअफ पुग्ने सम्भावना बलियो बनाउनेछ ।

सो जारी एनएसएलमा ललितपुर सिटी एफसी ५ खेलबाट ९ अंकसहित अंक तालिकाको शीर्ष स्थानमा छ । पाँच खेलबाट पाँच अंक बटुलेको चितवन बटम हाफमा छ भने पाँच खेलमा चितवनले २ खेल बराबरी,दुई खेलमा पराजय तथा एक खेल मात्र जितेको थियो ।