२३ फागुन, काठमाडाैँ। नेपाली राष्ट्रिय फुटबल टोलीका फरवार्ड अञ्जन विष्ट स्पोर्ट्स अवार्ड २०७८ अन्तर्गत वर्षको उत्कृष्ट पुरुष खेलाडी भएका छन् ।

मङ्गलवार नेपाल खेलकुद पत्रकार मञ्च (एनएसजेएफ) ले गरेको अवार्ड कार्यक्रममा अञ्जनले उत्कृष्ट पुरुष खेलाडीकाे अवार्ड जितेका हुन् ।

अञ्जन नेपाली राष्ट्रिय फुटबल टोलीका तेश्रो सर्वाधिक गोलकर्ता हुन् । अञ्जनले फुटबलकै किरण चेम्जोङ, क्रिकेटका दीपेन्द्रसिंह ऐरी र कुशल भुर्तेल तथा ब्याडमिन्टनका प्रिन्स दाहाललाई पछि पार्दै वर्ष उत्कृष्ट खेलाडीको अवार्ड जितेका हुन् ।

अन्जनले विश्व कप २०२२ छनाेटमा चाइनिज ताइपेई तथा १३ औँ साफ च्याम्पियन्शिपमा श्रीलङ्का र बङ्गलादेश विरूद्ध गोल गरेका थिए।

त्यसैगरी, महिला तर्फ भने वर्ष उत्कृष्ट खेलाडीको अवार्ड भने राष्ट्रिय भलिबल टोलीकी अरुणा शाहीले जितेकी छिन् ।