२३ फागुन, काठमाडाैँ । चर्चित गीत ‘जापान टोकियो’ का गायक राजेन्द्र लम्सालको निधन भएको छ । स्पेनमा बसोबास गर्दै आएका ६० वर्षीय गायक लम्सालको सोमबार निधन भएको हो ।

उनको निधन भएको उनका भान्जा तथा संगीतकार एवं गीतकार शिव हमालले जानकारी दिएका छन् ।

राजेन्द्र नेपालका चर्चित कलाकारमध्ये एक सागर लम्साल (बले)का बुबा हुन् । टेलिसिरियल सक्किगोनीमार्फत नेपाली कला क्षेत्रमा बले चर्चित भएका हुन् । उनी पछिल्लो समय मोडलिङमा समेत उत्तिकै रूचाइएका छन् ।

मृतक लम्सालमा पछिल्लो समय पिसाब सम्बन्धि रोगबाट ग्रसित थिए । उनको शव नेपाल ल्याउने तयारी भइरहेको छ ।

लम्सालले गाएका गीतहरूमध्ये ‘जापान टोकियो’ नेपाली श्रोताहरूमाझ अत्यन्तै चर्चित थियो ।