२१ फागुन, काठमाडाैँ । प्रधानमन्त्री पुष्पकमल दाहाल प्रचण्डले बैंक तथा वित्तीय क्षेत्रका व्यक्तिहरुसँग छलफल गरेका छन् । बैंक तथा वित्तीय क्षेत्रमा देखापरेका समस्या समाधानको पहल स्वरूप उनले छलफल सुरू गरेका हुन् ।

पछिल्लो समय बैंक तथा वित्तीय संस्थाको चर्को ब्याजका कारण ऋणीले आत्महत्या समेत गर्न थालेका घटना बाहिरिरहेका छन् । सोही अवस्थामा निकास खोज्न उनी लागि परेका हुन् ।

गत माघ १० गते प्रेमप्रसाद आचार्यले बानेश्वरमा आगो लगाइ आत्मदाह गरेपछि यो विषयले महत्व पाएको छ । यस विषयमा छलफल समेत विभिन्न पक्षहरूले गरिरहेका छन् ।