२३ ,कात्तिक ,काठमाडौँ । राष्ट्रिय समाचार समिति (रासस)ले जाजरकोट भूकम्पबाट प्रभावित जिल्लाका सञ्चार माध्यमलाई तीन महिनासम्म आफ्ना उत्पादन निःशुल्क उपलब्ध गराउने भएको छ ।

रासस सञ्चालक समितिको आजको बैठकले यही कात्तिक १७ गतेको भूकम्पबाट प्रभावित जाजरकोट, रुकुम पश्चिम, रुकूम पूर्व र सल्ल्यान जिल्लामा सञ्चालित आमसञ्चार माध्यमलाई माघ महिनासम्मको समाचारलगायत आफ्ना उत्पादनको शुल्क नलिने निर्णय गरेको हो ।

राससले जाजरकोट भूकम्पबाट प्रभावित चार जिल्लाका आमसञ्चार माध्यमले रासस केन्द्रीय कार्यालयमा सम्पर्क गरी निःशुल्क रूपमा समाचार लिन सकिने व्यवस्था मिलाएको जानकारी दिदै कार्यकारी अध्यक्ष धर्मेन्द्र झाले राज्यद्वारा सञ्चालित राससको निर्णयबाट भूकम्प प्रभावित चार जिल्लाका सञ्चार माध्यम र त्यस क्षेत्रका स्थानीय जनता लाभान्वित हुने विश्वास व्यक्त गरेका छन् ।