काठमाडौंः माओवादी केन्द्र,नेकपा एस र जसपाले रास्ट्रपतिमा रास्ट्रीय सहमतिको उम्मेदवार आवश्यक रहेको निष्कर्ष निकालेका छन् । यससँगै राष्ट्रपति उम्मेदवारको विषयमा छलफलमा जुटेका माओवादी, एकीकृत समाजवादी र जसपाले आज कांग्रेससँग निर्णायक छलफल गर्ने भएका छन् ।

सिंहदरबारमा हिजो बसेको तीन दलका शीर्ष नेताको बैठकले आज कांग्रेससँग निर्णायक छलफल गरेपछि मात्रै राष्ट्रपति उम्मेदवारको विषयमा टुंगो लगाउने समझदारी गरेका हुन् ।

आज को छलफलपछि मात्रै राष्ट्रपति उम्मेदवारको विषयमा अन्तिम निर्णयमा पुग्ने उनीहरूले जनाएका छन् । बैठकमा भएका छलफलबारे जानकारी दिँदै जसपा नेता राजेन्द्र श्रेष्ठले कांग्रेस सबैभन्दा ठूलो दल भएको र मंसिरमा सम्पन्न निर्वाचनको गठबन्धन दलको सहयात्री भएकाले आज निर्णायक छलफल गरिने बताए ।