१६ भदाै, एजेन्सी । भारतले चन्द्रमाको दक्षिणी ध्रुव नजिकै पहिलो रोभर अवतरण गरेर इतिहास रचेको केही दिनपछि नै सूर्यमा आफ्नो पहिलो अवलोकन अभियान सुरु गरेको छ ।

यसका लागि भारतले आदित्य एल-१को सफल प्रक्षेपण समेत गरेको छ । यसले पृथ्वीबाट १.५ मिलियन किमी (९ लाख ३२ हजार माइल) यात्रा गर्ने बताइएको छ । जुन पृथ्वी देखि सूर्य दूरीको १ प्रतिशत हो ।

भारतको अन्तरिक्ष एजेन्सीले यति लामो यात्रा गर्न चार महिना लाग्ने बताएको छ ।

सौर्यमण्डलको सबैभन्दा ठूलो वस्तुको अध्ययन गर्न भारतको पहिलो अन्तरिक्ष-आधारित मिशन सूर्यको नाममा राखिएको छ। सूर्य हिन्दूका देवता हुन् जसलाई आदित्य पनि भनिन्छ ।