१५ भदाै, एजेन्सी । इजिप्टको सबैभन्दा पुरानो यहूदी मन्दिर जीर्णोद्धारपछि सर्वसाधारणको लागि खुल्ला गरिएको छ ।

इजिप्टका प्रधानमन्त्री मुस्तफा मादबोउलीले बिहीबार देशकै सबैभन्दा पुरानो यहुदी मन्दिर बेन एज्रा सिनेगोगको जीर्णोद्धारपछि उद्घाटन गरेको इजिप्टको पर्यटन तथा पुरातात्विक मन्त्रालयले जारी गरेको विज्ञप्तिमा जनाइएको छ ।

यहूदी विद्वान तथा दार्शनिक अब्राहम बेन एज्राको नामबाट नामाकरण गरिएको सभाघर १२ औं शताब्दीमा सुरु भएको र सन् १८९० को दशकमा पुनः निर्माण गरिएको मन्त्रालयले जनाएको छ ।

कुनै समय इजिप्टमा यहूदी उत्सव, जमघट र प्रार्थनाको केन्द्रको रूपमा रहेको यो मन्दिर सन् १९५० को दशकमा अधिकांश यहूदी समुदायले छोडेपछि पर्यटकको आकर्षणको रूपमा परिणत भएको छ ।

जीर्णोद्धार कार्यमा पर्खालहरूको लागि सावधानीपूर्वक वास्तुकला जीर्णोद्धार कार्य, छत र प्रकाश प्रणालीको रखरखाव समावेश छ, विज्ञप्तिमा भनिएको छ ।

इजिप्टमा यहूदी समुदायहरूको सामाजिक जीवनझल्कने पुस्तकहरू र कागजातहरूको महत्वपूर्ण सङ्ग्रहको साथ, मन्दिरले समकालीन यहूदी इतिहासमा पर्याप्त महत्व राख्दछ ।