१२ भदाै, काठमाडाैँ । काठमाडौँ महानगरपालिकाले सबै वडा कार्यालयमा सार्वजनिक शौचालयको उपयुक्त डिजाइनसहितको स्थान छनौट गर्न अनुरोध गरेको छ ।

महानगरको सार्वजनिक निजी साझेदारी एकाइ प्रमुख डा. शिवराज अधिकारीले महानगरको ११ औँ नगर कार्यपालिकाको २०७९ पुस १८ मा भएको निर्णय अनुसार आफ्नो वडाभित्र सुविधा सम्पन्न, आधुनिक शौचालय बनाउने अधिकार प्रयोजन भएको बताए ।

उनले यस सम्बन्धमा सहरी योजना आयोगको प्राविधिक सहयोगमा महानगरपालिका क्षेत्रमा विभिन्न चार प्रकारको ड्रइङ्ग, डिजाइन तयार गरिएको बताए ।

महानगरले सार्वजनिक शौचालय सञ्चालनका लागि सो अनुसार खरिद प्रक्रिया अगाडि बढाउन सबै वडा कार्यालयमा अनुरोध गरेको छ ।