१० भदाै, काठमाडाैँ । ललिता निवास जग्गा प्रकरणमा मुछिएका २ सय ९० जना प्रतिवादीविरुद्ध सरकारी किर्तेमा मात्र मुद्दा दायर भएको छ ।

आइतबार जिल्ला सरकारी वकिल कार्यालयले उनीहरूविरूद्ध संगठित अपराधमा मुद्दा नचलाइ सरकारी किर्तेमा मात्र मुद्दा दायर गरेको हो ।

जिल्ला सरकारी वकिल कार्यालयले दिएको जानकारी अनुसार संगठित अपराधमा मुद्दा चलाउने पर्याप्त प्रमाण फेला नपरेका कारण किर्तेको मात्रै मुद्दा चल्ने भएको हो ।

तर, प्रहरीको केन्द्रीय अनुसन्धान ब्यूरो (सीआईबी) ले सरकारी किर्ते र संगठित अपराध दुवैमा मुद्दा चलाउन राय दिएर प्रतिवेदन बुझाएको थियो ।