१ भदाै, चितवन । आफ्नो लिंग आँफै काटेका युवकले बिच्छीले टोकेपछि शरीरमा विष फैलिन नदिन लिंग काटेको बताएका छन् । अस्पताल भर्ना भएका उनले शरीरमा विष फैलिने डरले लिंग नै काटेर फालिदिएको बताएका हुन् ।

बुधबार राती मकवानपुरगढी गाउँपालिकाका २२ वर्षीय युवकले बसपार्क नजिकैको फूलबारी होटलमा लिंग काटेका थिए । उनले ट्वाइलेट गएको समयमा बिच्छीले लिंगमा टोकेपछि त्यसो गरेको बताएका हुन् ।

लिंग काटेर उनी आँफै उपचारका लागि हेटौंडा अस्पताल पुगेका थिए । त्यहाँ उनको उपचार सम्भव नभएपछि सोही रात चितवन मेडिकल कलेज भरतपुर पठाएका थिए ।

अहिले उनको शल्यक्रिया गरिएको र अवस्था सामान्य रहेको उपचारमा संलग्न चिकित्सकहरूले जानकारी दिएका छन् । उनको लिंगको आधा भाग काटिएको बताइएको छ ।