२१ श्रावण, काठमाडाैँ । राष्ट्रिय स्वतन्त्र पार्टी (रास्वपा) ले चितवनमा सञ्चालनमा ल्याएको एम्बुलेन्स पुरानो मेडिकल कलेज भरतपुरलाई फिर्ता गरेको छ ।

रास्वपा सभापति रवि लामिछाने चितवन क्षेत्र नं. २ बाट विजयी भएको १ सय दिन पुगेको अवसरमा पुरानो मेडिकल कलेजको ना २ ख ५६१९ नम्बरको एम्बुलेन्सलाई निलो रंगको बनाएर मोबाइल क्लिनिक सन्चालनमा ल्याएको घोषणा गरेका थिए ।

तर, कानुन विपरीत रङ परिवर्तन गरेको र ‘एम्बुलेन्स’ लेखेको मेटाएर ‘मोबाइल क्लिनिक’ लेखेको भन्दै लामिछानेको उक्त काम विवादमा परेको थियो ।

रास्वपाले विवाद बढ्दै गएपछि एम्बुलेन्स पुरानो मेडिकल कलेजलाई नै फिर्ता गरिएको बताएको छ ।