२४ असार, काठमाडाैँ । स्वर्गीय गायक रबिन तामाङको स्वर रहेको अन्तिम गीत सार्वजनिक भएको छ । तामाङको स्वर रहेको ‘धुँवा’ बोलको गीत शुक्रबार सार्वजनिक गरिएको हो ।

निर्देशक तथा सम्पादक निरञ्जन पाण्डेले तयार पारेको यो गीत गायक तामाङलाई अन्तिम श्रद्धाञ्जली दिन सार्वजनिक गरिएको बताएका छन् ।

यो गीत एमआईसी युट्युब च्यानलबाट सार्वजनिक गरिएको छ । गीतमा रबिन सहित गायक राजेश पायल राईको पनि स्वर रहेको छ ।

गीतको शब्द सिर्जना तथा संगित संयोजन सुरेश राईको रहेको छ । त्यस्तै, गीतको र्याप भने रबिनले नै लेखेका हुन् ।