२ असार, सिन्धुपाल्चोक । त्रिपुरासुन्दरी गाउँपालिका र एकीकृत हातेमालो ग्रामीण विकास सङ्घको साझेदारीमा निर्मित एकीकृत अस्थायी आवास शनिबार हस्तान्तरण गरिएको छ ।

पहिरोको जोखिममा रहेका त्रिपुरासुन्दरी गाउँपालिका –३ धुस्कुन हिले भस्मे बस्तीका पाँच परिवारलाई दुई, दुई कोठे अस्थायी आवास हस्तान्तरण गरिएको छ । उक्त गापाका अध्यक्ष भक्तध्वज बोहराले अस्थायी आवास हस्तान्तरण गरे ।

विपद् पूर्वतयारी तथा प्रतिकार्यका लागि अस्थायी आवास निर्माण गरेर पहिरो जोखिममा रहेको परिवारलाई अस्थायी आवास हस्तान्तरण गरिएको अध्यक्ष बोहराले जानकारी दिए । हिले र भस्मे बस्ती पहिरोको उच्च जोखिममा रहेको छ ।