३२ जेठ, काभ्रे र श्रीमानको कुटपिटबाट दलित वडा सदस्यको मृत्यु भएको छ । श्रीमानले कुटपिट गर्दा घाइते भएकी काभ्रेपलाञ्चोक जिल्लाको नमोबुद्ध नगरपालिका-११ की दलित वडा सदस्य ४५ वर्षीया ज्ञानु विकको मृत्यु भएको हो ।

गत जेठ २९ गते उनका श्रीमान शम्भु विकले मादक पदार्थ सेवन गरी उनीमाथि कुटपिट गरेका थिए । श्रीमानको कुटपिटबाट घाइते भएकी ज्ञानुको धुलिखेल अस्पतालमा उपचार भइरहेको थियो ।

बिहीबार अस्पतालले उनको मृत्यु भएको घोषणा गरेको हो । प्रहरीले दिएको जानकारी अनुसार उनका श्रीमानले हात-खुट्टा बाँधेर ज्ञानुमाथि कुटपिट गरेका थिए ।

प्रहरीले हत्या आरोपमा ४८ वर्षीय शम्भुलाई पक्राउ गरी थप अनुसन्धान अगाडी बढाएको छ ।