२५ जेठ, काठमाडाैँ । काठमाडाैँ महानगरपालिकाका मेयर बालेन्द्र शाहले आफ्नो कार्यकक्षमा ग्रेटर नेपालको नक्सा राख्न लगाएका छन् ।

भारतले आफ्नो नयाँ संसद भवनमा नेपालका भू-भागसमेत समावेश गरेर अखण्ड भारतको नक्सा राखेपछि भारतको कदमको प्रतिवाद गर्न उनले उक्त नक्सा राख्न लगाएको बताइएको छ ।

केही दिनअघि मात्रै बालेनको कार्यकक्षमा उक्त नक्सा राखिएको बताइएको छ । तर, बालेन अहिले भारतमा भएका कारण उनले यस नक्सा सार्वजनिक भने गरेका छैनन् ।

भारतीय प्रधानमन्त्री नरेन्द्र मोदीले उद्घाटन गरेको नयाँ संसद् भवनमा नेपालका लुम्बिनी लगायत भूभाग समेत समेटिएपछि यसबारे नेपालमा विभिन्न चर्चा भइरहेको छ ।

त्यस्तै, प्रधानमन्त्री पुष्पकमल दाहाल प्रचण्डले पनि भारत भ्रमणको समयमा भारतीय समकक्षीसँग यसबारे कुरा उठाएको जानकारी दिएका छन् ।