२८ वैशाख ,काठमाडौँ । ज्योतिष शास्त्रको अध्ययन अनुसन्धान र अभ्यासमा महिला सहभागिता बढाउने उद्देश्यले स्थापना भएको राष्ट्रिय महिला ज्योतिष सङ्घले १२औँ स्थापना दिवस मनाएको छ ।

दिवसका अवसरमा भद्रकाली मन्दिर परिसरमा पूजा आराधना र दर्शन गरी ज्योतिष क्षेत्रमा महिलाको उन्नति, प्रगतिको कामना गरिएको संस्थापक अध्यक्ष हतिदेवी श्रेष्ठले जानकारी दिईन् ।

विसं २०६८ वैशाख २८ स्थापना भएको सङ्घमा हाल पाँच दर्जनभन्दा बढी सदस्य क्रियाशील छन् । ज्योतिष क्षेत्रमा महिलाको परिमाण र परिणाम बढाउन सङ्घले विभिन्न गतिविधि गर्दै आएको छ । सङ्घको कार्य समितिमा हाल नौ जना रहेको जनाइएको छ ।