१८ वैशाख, तनहुँ । तनहुँको व्यास नगरपालिका–१० बिपी भञ्ज्याङ्ग निवासी २० वर्षीया राममाया विक र उनका ४ वर्षको छोरा लप्सन विक १५ दिनदेखि बेपत्ता भएका छन् । बेपत्ता भएको लामो समयसम्म सम्पर्कमा नआएपछि परिवारजनले खोजीका लागि हारगुहार गरेका छन् ।

राममायाका श्रीमान् लोकबहादुर विकले वैशाख ३ गते बिहान देखि घर नआएको माइती घर तथा आफन्तकोमा खोजी गर्दा पनि फेला नपरेको बताए । आमा र छोरा खोजीका लागि प्रहरी कार्यालयमा जाहेरी दिए पनि कुनै खबर नआएको विकले बताए । भारतको रोजगारीमा रहेका विक श्रीमती हराएको खबर आएपछि नेपाल फर्किएका छन् ।

विकले बेपत्ता परिवारको खोजी गरिदिन अपिल गरेका छन् । आफ्ना लगायत सबैतिर खोजी गर्दा पनि श्रीमती र छोराको पत्तो नलागेपछि उनले प्रहरी, नागरिक समाज र पत्रकारलाई परिवारको खोजी गरिदिन अपिल गरेका हुन् ।